Description
Bókin Helgistjórn jarðar – Meistarar viskunnar kom út í 2. útgáfu í október 2019 endurskrifuð með viðbótum. Bókin sem er nú 200 síður greinir frá samfélagi upprisinna Meistara sem lifa og starfa í áru jarðar og mynda svokallað kærleiks- og viskuríki á innri sviðum. Greint er frá hlutverki Helgistjórnarinnar og starfi einstakra Meistara. Gefin eru hagnýt ráð við að tengja sig inn á Meistarana og orku þeirra. Auk þess sem bókin hefur verið endurskrifuð hefur verið bætt við upplýsingum og möntrum til að tengja sig inn á orku meistaranna. Einna helst ber að telja upplýsingar um nýtt athvarf Meistarans Jesú yfir Reykjavík. Höfundurinn, Eldey Huld Jónsdóttir, hefur kynnt sér guðspeki í yfir 30 ár og haldið fjölda fyrirlestra og námskeiða í guðspeki, hugleiðslu og heilun, einkum hjá Guðspekisamtökunum í Reykjavík, Nýju Avalon miðstöðinni. Guðspeki er viska aldanna eins og hún hefur birst í gegnum aldir í helstu trúarbrögðum heims og dulspekireglum.
